Empower Youths

YOUTH EMPOWERMENT PROGRAM

လူတိုင်းမှာ ခေါင်းဆောင်ဖြစ်ဖို့အရည်အချင်း မွေးကတည်းကပါလာကြပါတယ်။ လူငယ်ဖြစ်ခြင်းရဲ့အားသာချက်ကတော့ စွန့်စားနိုင်ခြင်းပါပဲ။ အလုပ်ရှာမလား။ Career လမ်းကြောင်း တည်ဆောက်မလား။ ကိုယ့်ကိုယ်ကိုယ်တာဝန်ယူတတ်အောင် လေ့ကျင့်မလား။ ငါဘယ်သူလဲဆိုတာကို သေချာရှာဖွေစူးစမ်းမလား။ ဒီနေ့ရဲ့စိန်ခေါ်မှုနဲ့အခက်အခဲတွေက မနက်ဖြန်အတွက် အတွေ့အကြုံနဲ့အရင်းအနှီးတွေဖြစ်လာတဲ့အတွက် ဘာပဲလုပ်လုပ် ၁၀၀%အပြည့်လုပ်နေဖို့လိုပါတယ်။

Youth Empowerment Program ၏ဦးတည်ချက်မှာ လူငယ်များကိုခွန်အားပေးခြင်းဖြစ်ပြီး လုပ်ငန်းခွင်ဆိုင်ရာ၊ မိမိကိုယ်မိမိဖွံ့ဖြိုးတိုးတက်မှုနှင့်သက်ဆိုင်တဲ့ မတူညီတဲ့ Webinar အစီအစဉ်များကို ပြုလုပ်ပေးလျက်ရှိပါတယ်။

Creating Abundant Job Opportunities

အလုပ်ပေါများအောင်ဖန်တီးခြင်း

Career Focus | Webinar | Zoom

ပြိုင်ဆိုင်မှုများတဲ့၂၁ ရာစုမှာ အခုခေတ်လူငယ်တွေက အရင်ခေတ်ကထက်စာရင် စိတ်တိုင်းကျအလုပ်တစ်ခုရဖို့ခက်ခဲလာကြပါတယ်။ သင်ထားတဲ့ပညာရပ်နဲ့ကိုက်ညီပြီး ကိုယ်တိုင်လည်းစိတ်အားထက်သန်တဲ့အလုပ်တစ်ခုရဖို့က ပိုခက်ခဲပါတယ်။ ဒါပေမယ့် မဖြစ်နိုင်တာတော့မဟုတ်ပါဘူး။

"အလုပ်ပေါများအောင်ဖန်တီးခြင်း"အစီအစဉ်မှာ -

ကိုယ်ကဘယ်လိုအလုပ်ကို စိတ်အားထက်သန်တာလဲ။
ကိုယ်လိုချင်တဲ့အလုပ်ရဖို့ ဘယ်လိုဖန်တီးရမလဲ။
အခွင့်အရေးရလာခဲ့ရင် အလုပ်ဘယ်လိုလျှောက်ရမလဲ။
အင်တာဗျူးမတိုင်ခင်ကနေ အင်တာဗျူးဖြေပြီးတဲ့အထိ ဆောင်ရန်ရှောင်ရန် to-do list တွေကိုပါပြောပြပေးသွားမှာဖြစ်လို့ ရှေ့ဆက်လျှောက်မယ့်အနာဂတ်အတွက် အဖြေရှာနေတဲ့လူငယ်တိုင်း လာရောက်နားထောင်ဖို့ဖိတ်ခေါ်ပါတယ်။

ဘယ်သူတွေနားထောင်သင့်သလဲ။

အလုပ်ရှာနေသောသူများ
လက်ရှိအလုပ်မှာ မပျော်မွေ့နေသူများ
အလုပ်လျှောက်တိုင်း မအောင်မြင်သူများ
မိမိအတွက်အလုပ်ရှားပါးနေသည်ဟု ခံယူထားသူများ
ဘာအလုပ်လုပ်ရမလဲမသိသောသူများ

ရရှိမည့်အကျိုးကျေးဇူးများ

မိမိကိုယ်မိမိယုံကြည်မှုတိုးလာမယ်။
ကိုယ်လိုချင်တဲ့အလုပ်ပေါများလာအောင် ဖန်တီးတတ်လာမယ်။
အလုပ်ဘယ်လိုလျှောက်ရမလဲ။
အလုပ်လျှောက်တဲ့အခါ ဘာတွေထည့်စဉ်းစားမလဲ။
အလုပ်လျှောက်ဖို့သွားတဲ့အခါ ထားရှိရမယ့်ခံယူချက်စတဲ့အကြောင်းအရာများကို သိရှိရမှာဖြစ်ပါတယ်။