Family Program

Parent Child Connection

Family Program | Online | Zoom Class

ရွှေဆွဲကြိုးတစ်ကုံးက အထုံးတစ်ခုထုံးမိနေရင် စိတ်ရှည်ရှည်နဲ့ ဖြေမှာလား၊ ဖြတ်ချလိုက်မှာလား။
‍
ဘယ်သူမဆို စိတ်ရှည်ရှည်နဲ့ပဲ ဖြေမှာပါ။

ရွှေဆွဲကြိုးလေးတစ်ကုံးကိုတောင် စိတ်ရှည်ရှည်နဲ့ ဖြေဖြစ်ရင်... တန်ဖိုးမဖြတ်နိုင်တဲ့ ရင်သွေးလေးတွေနဲ့ ကိုယ့်ရဲ့ကြားထဲက ဆက်ဆံရေးအထုံးလေးတွေကို ဘာကြောင့် စိတ်ရှည်ရှည်ထားမဖြေနိုင်ရမှာလဲနော်။

မိဘနဲ့သားသမီးကြားက အထုံးလေးတွေပြေဖို့နဲ့ ရေရှည်ကောင်းမွန်တဲ့ဆက်ဆံရေး တည်ဆောက်သွားနိုင်ဖို့ရည်ရွယ်ပြီး မိဘရော ကလေးငယ်ကိုပါ သင်ကြားပေးမဲ့ "Parent Child Connection" Family Program ရှိပါတယ်။ ထူးခြားချက်အနေနဲ့... ဒီသင်တန်းအပ်တဲ့အခါ လူကြီးတစ်ယောက် + ကလေးတစ်ယောက် တက်ရပါမယ်။ လူကြီးအနေနဲ့ ဖေဖေ၊ မေမေ ဒါမှမဟုတ် အနီးကပ်စောင့်ရှောက်တဲ့ အုပ်ထိန်းသူလည်း တက်နိုင်ပါတယ်။ ကလေးကိုတော့... အသက် ၈ - ၁၂ ကြားတစ်စု၊ အသက် ၁၃ - ၁၇ ကြားတစ်စုဆိုပြီး အုပ်စု (၂) စုခွဲထားပါတယ်။

ဘာတွေသင်မှာလဲ။

လူကြီးတွေကို... ကလေးငယ်ရဲ့အတွင်းစိတ်သဘောသဘာဝနဲ့ အသက်အရွယ်အလိုက် ပြုမူဆက်ဆံတတ်ပုံလေးတွေကို ဂဃနဏနားလည်ပြီး ကောင်းမွန်တဲ့ရေရှည်ဆက်ဆံရေးတစ်ခု တည်ဆောက်နိုင်တဲ့အထိ သင်ကြားပေးမှာပါ။
၈ - ၁၂ ကြား ကလေးငယ်တွေကိုတော့ "ကိုယ်ဘယ်သူလဲ၊ ဘယ်လိုလူမျိုးဖြစ်ချင်တာလဲ" ဆိုတာကို သေချာသိသွားအောင်၊ ကိုယ့်ခံစားချက်‌ကိုယ်နားလည်ပြီး ကောင်းကောင်းထိန်းကျောင်းတတ်အောင်၊ puberty ကာလမှာ စိတ်အနှောင့်အယှက်မရှိ ပျော်ပျော်ရွှင်ရွှင်ဖြတ်သန်းနိုင်အောင် သင်ကြားပေးပါမယ်။
၁၃ - ၁၇ ကြားအရွယ်လေးတွေကိုတော့ အန္တရာယ်များလှတဲ့ လူမှုအသိုင်းအဝိုင်းတောနက်ကြီးထဲ ကိုယ့်အားကိုယ်ကိုးပြီးမဝင်ခင် တွေ့ကြုံလာရနိုင်တဲ့ အခက်အခဲမှန်သမျှကို ရင်ဆိုင်နိုင်ဖို့အတွက် ဘဝပညာရေး ကိရိယာအပြည့်အစုံကို တပ်ဆင်သင်ကြားပေးလိုက်မှာပါ။

သင်ကြားမဲ့ပုံစံကတော့... လူကြီးတွေက ရက်သပ်သပ်၊ ၈ - ၁၂ ကြားအရွယ်လေးတွေက ရက်သပ်သပ်၊ ၁၃-၁၇ ကြားအရွယ်လေးတွေက ရက်သပ်သပ် Zoom ကနေ တက်ရပါမယ်။

ရရှိမည့်အကျိုးကျေးဇူးများ

သင်တန်းပြီးတဲ့အခါမှာ မိဘရော ကလေးငယ်ပါ နားလည်မှုအပြည့်နဲ့ ပျော်ရွှင်နွေးထွေးတဲ့ဆက်ဆံရေးတစ်ခုတည်ဆောက်နိုင်သွားမှာမလို့...

ကိုယ့်သားသမီးကို ပွင့်ပွင့်လင်းလင်းဆက်ဆံစေချင်တယ်။
ကိုယ့်ကိုယ်ကိုယ်ယုံကြည်မှုအပြည့်နဲ့ ဘဝခရီးကြမ်းကို မမောပန်းဘဲဖြတ်သန်းသွားနိုင်စေချင်တယ်။
ဆက်ဆံရေးတိုင်းကို စိတ်ဖိစီးမှုကင်းကင်းနဲ့ အခက်အခဲမရှိ တည်ဆောက်တတ်စေချင်တယ်။
ကိုယ့်တာဝန်ကိုယ်ယူတတ်တဲ့ သားကောင်းရတနာ၊ သမီးကောင်းရတနာလေးတွေ ဖြစ်စေချင်တယ်။
သင်ယူသမျှတိုင်းမှာ အာရုံစိုက်နိုင်ပြီး ထူးချွန်ထက်မြက်စေချင်တယ်။

ဒါ့အပြင် မိဘလူကြီးတွေအနေနဲ့လည်း...

သားသမီးကိုပြုစုစောင့်ရှောက်တာနဲ့ပတ်သက်ပြီး စိုးရိမ်စိတ်ကင်းချင်တယ်။
ကလေးအပေါ် ယုံကြည်စိတ်ချပြီး ပွင့်ပွင့်လင်းလင်းဆက်ဆံနိုင်ချင်တယ်။
သားသမီးနဲ့ကိုယ့်ကြား နွေးထွေးတဲ့ ဆက်ဆံရေးလေးတစ်ခု တည်ဆောက်ချင်တယ်ဆိုရင်တော့ မဖြစ်မနေတက်ရောက်ဖို့ ဖိတ်ခေါ်ပါတယ်။

ဒီသင်တန်းလေးက ကလေးငယ်တွေကို ပြုပြင်ပြောင်းလဲစေဖို့အတွက်မဟုတ်ဘဲ အရွယ်အကူးအပြောင်းလေးတွေမှာ ကိုယ့်ကိုယ်ကိုယ်သေချာနားလည်ပြီး ဘယ်သူနဲ့မဆို လွတ်လပ်ပျော်ရွှင်တဲ့ဆက်ဆံရေးလေးတွေ တည်ဆောက်နိုင်စေဖို့ ရည်ရွယ်ပါတယ်။

ဒါကြောင့် ကိုယ့်ရင်သွေးလေးရဲ့ဘဝအချိုးအကွေ့တွေမှာ အထိအခိုက်မရှိ ရင်ဆိုင်ဖြတ်သန်းနိုင်ပြီး မိဘနဲ့ သားသမီးကြားအပြန်အလှန်နားလည်မှုရှိတဲ့ ဆက်ဆံရေးလေး တည်ဆောက်ချင်တယ်ဆိုရင်တော့ PCC သင်တန်းကို မိဘနဲ့ကလေး အတူတူတက်ရောက်ဖို့ ဖိတ်ခေါ်ပါတယ်။

ရရှိမည့်အကျိုးကျေးဇူးများ

ပွင့်လင်းစွာ ပြောဆိုဆက်ဆံတတ်လာခြင်း။
သင်ယူမှုများတွင် အာရုံစူးစိုက်မှု အားကောင်းလာခြင်း။
မိမိကိုယ်မိမိ ယုံကြည်မှုရှိလာခြင်း။
ဘယ်လိုအခြေအနေမျိုးမှာမဆို ရင်ဆိုင်ဆွေးနွေး၊ ဆက်ဆံတတ်လာခြင်း။
သက်တူရွယ်တူများ၊ ဩဇာရှိသူများ၊ အကြီးအကဲ/အုပ်ထိန်းသူများ၏ ဖိအားခံစားရမှုမှ လွတ်မြောက်လာခြင်း။
မိမိကိုယ်မိမိ တာဝန်အပြည့်ယူတတ်လာခြင်း။
မိမိနေတတ်သော ကိုယ်ပိုင်ဟန်ဖြင့် နေထိုင်တတ်လာခြင်း။